ഇന്ത്യയിൽ SUVകൾക്ക് ഇപ്പോൾ വലിയ ജനപ്രീതിയാണ്. ഉയർന്ന ഗ്രൗണ്ട് ക്ലിയറൻസ്, ഉയർന്ന സീറ്റിംഗ് പൊസിഷൻ, മികച്ച റോഡ് പ്രസൻസ്, കുടുംബത്തിന് ആവശ്യമായ ക്യാബിൻ സ്പേസ് എന്നിവയാണ് SUVകളെ കൂടുതൽ ആളുകളുടെ ഇഷ്ടമാക്കുന്നത്. അതിലുപരി കേരളത്തിലെ റോഡുകളുടെ ഘടനയ്ക് SUV കളാണ് കൂടുതൽ അനുയോജ്യം എന്നൊരു തോന്നൽ ആളുകൾക്ക് ഉണ്ടായിരിക്കുന്നു.
2026-ൽ ₹15 ലക്ഷം ബജറ്റിൽ ഒരു പുതിയ SUV വാങ്ങാൻ ആലോചിക്കുന്നവർക്ക് നിരവധി ഓപ്ഷനുകളുണ്ട്. എന്നാൽ ഈ ബജറ്റിൽ പരിഗണിക്കാവുന്ന പ്രധാന കോംപാക്ട് SUVകളിൽ Maruti Suzuki Brezza, Tata Nexon, Mahindra XUV 3XO, Hyundai Venue, Kia Sonet എന്നിവ ശ്രദ്ധേയമാണ്.
ഇവയിൽ ഓരോ SUVക്കും അതിന്റേതായ പ്രത്യേകതകളുണ്ട്. നിങ്ങളുടെ ഉപയോഗം, മൈലേജ് ആവശ്യം, പ്രകടനം, ഫീച്ചറുകൾ, കുടുംബത്തിന്റെ ആവശ്യങ്ങൾ എന്നിവ അനുസരിച്ചാണ് ശരിയായ മോഡൽ തിരഞ്ഞെടുക്കേണ്ടത്.
1. Maruti Suzuki Brezza
Maruti Suzuki Brezza ഈ വിഭാഗത്തിലെ പ്രായോഗികമായ SUVകളിൽ ഒന്നാണ്. പെട്രോൾ എൻജിനൊപ്പം CNG ഓപ്ഷനും ലഭിക്കുന്നതാണ് Brezzaയുടെ പ്രധാന പ്രത്യേകതകളിൽ ഒന്ന്.
ദിവസേന നഗരത്തിൽ കാർ ഉപയോഗിക്കുന്നവർക്ക് കുറഞ്ഞ യാത്രാ ചിലവ് പ്രധാനമാണെങ്കിൽ Brezza പരിഗണിക്കാം. ഓട്ടോമാറ്റിക് ഗിയർബോക്സ് ഓപ്ഷനും ലഭ്യമാണ്. Maruti Suzukiയുടെ വലിയ സർവീസ് നെറ്റ്‌വർക്കും Brezzaയുടെ ഒരു പ്രധാന പ്രത്യേകതയാണ്. താരതമ്യേന ഈ സെഗ്മന്റിലെ മറ്റു ബ്രാൻഡുകളേക്കാൾ പരിപാലനചിലവ് കുറവും കൂടുതൽ മൈലേജും ഈ വാഹനത്തിനെ കൂടുതൽ ശ്രദ്ധേയമാക്കുന്നു.
2. Tata Nexon
Tata Nexon ഇന്ത്യയിലെ ജനപ്രിയ കോംപാക്ട് SUVകളിൽ ഒന്നാണ്. വ്യത്യസ്ത പവർട്രെയിൻ ഓപ്ഷനുകളും മികച്ച ഫീച്ചറുകളും ഇതിന്റെ പ്രധാന ആകർഷണങ്ങളാണ്.
പെട്രോൾ, ഡീസൽ, CNG തുടങ്ങിയ ഓപ്ഷനുകൾ ലഭിക്കുന്നതിനാൽ വ്യത്യസ്ത ആവശ്യങ്ങൾക്കനുസരിച്ച് Nexon തിരഞ്ഞെടുക്കാം. കുടുംബ ഉപയോഗത്തിനും നഗര യാത്രകൾക്കും ദീർഘദൂര യാത്രകൾക്കും ഉപയോഗിക്കാവുന്ന ഒരു versatile SUVയാണ് Nexon. ഈ സെഗ്മന്റിലെ മറ്റു ബ്രാൻഡുകളുമായി താരതമ്യം ചെയ്യുമ്പോൾ കൂടുതൽ build-ക്വാളിറ്റി ഈ വാഹനത്തിന് കൂടുതലാണ്. അതിനോടൊപ്പം സേഫ്റ്റി ഫീച്ചറുകളും ധാരാളം ഉണ്ട്.
3. Mahindra XUV 3XO
Mahindra XUV 3XO പെർഫോമൻസിന് പ്രാധാന്യം നൽകുന്നവർക്ക് ശ്രദ്ധിക്കാവുന്ന മോഡലാണ്. ശക്തമായ ടർബോ പെട്രോൾ, ഡീസൽ എൻജിൻ ഓപ്ഷനുകൾക്കൊപ്പം നിരവധി ഫീച്ചറുകളും XUV 3XO നൽകുന്നു.
കൂടുതൽ ശക്തമായ ഡ്രൈവിംഗ് അനുഭവവും മികച്ച റോഡ് പ്രസൻസും ആഗ്രഹിക്കുന്നവർക്ക് XUV 3XO പരിഗണിക്കാം. 2026-ലും മോഡലിന് പുതിയ വേരിയന്റുകൾ ലഭ്യമാണ്.
4. Hyundai Venue
Hyundai Venue നഗര ഉപയോഗത്തിന് അനുയോജ്യമായ കോംപാക്ട് SUVയാണ്. ചെറിയ വലുപ്പം കാരണം നഗരത്തിലെ തിരക്കേറിയ റോഡുകളിലും പാർക്കിംഗിലും Venue പ്രായോഗികമാണ്.
ഫീച്ചറുകൾക്കും കംഫർട്ടിനും പ്രാധാന്യം നൽകുന്ന Hyundaiയുടെ സമീപനം Venueയിലും കാണാം. വ്യത്യസ്ത എൻജിൻ, ഗിയർബോക്സ് ഓപ്ഷനുകൾ ലഭിക്കുന്നതിനാൽ ആവശ്യത്തിന് അനുസരിച്ച് വേരിയന്റ് തിരഞ്ഞെടുക്കാം. ഈ സെഗ്മന്റിലെ ഏറ്റവും കൂടുതൽ ഫീച്ചറുകൾ ലോഡ് ചെയ്തിട്ടുള്ള മോഡൽ Venue ആണെന്നുള്ളതിൽ സംശയമില്ല.
5. Kia Sonet
Kia Sonet കോംപാക്ട് SUV വിഭാഗത്തിൽ പ്രീമിയം ഫീച്ചറുകൾക്ക് പ്രാധാന്യം നൽകുന്ന മോഡലാണ്. ചെറിയ വലുപ്പത്തിനൊപ്പം മികച്ച ഇന്റീരിയർ ഫീൽ, ടെക്നോളജി ഫീച്ചറുകൾ, വിവിധ എൻജിൻ-ഗിയർബോക്സ് കോമ്പിനേഷനുകൾ എന്നിവ Sonet-ന്റെ പ്രത്യേകതകളാണ്.
നഗര ഉപയോഗത്തോടൊപ്പം ഇടയ്ക്കിടെ ഹൈവേ യാത്രകളും നടത്തുന്നവർക്ക് Sonet പരിഗണിക്കാവുന്നതാണ്. സോണേറ്റും വെന്യുവും താരതമ്യേന കൂടുതൽ ഫീച്ചറുകൾ നൽകുന്ന വാഹനങ്ങളാണ്. കണക്ടിവിറ്റി ഫീച്ചറുകൾക് പ്രാധാന്യം കൊടുക്കുന്നവർക്ക് ഇവ രണ്ടും ഉചിതംപോലെ പരിഗണിക്കാവുന്ന വാഹനങ്ങളാണ്.
₹15 ലക്ഷം ബജറ്റിലെ 5 SUVകൾ – താരതമ്യം
| SUV | ഏകദേശ വില (Ex-Showroom) | പ്രധാന പ്രത്യേകത | എൻജിൻ / ഇന്ധനം |
|---|---|---|---|
| Maruti Suzuki Brezza | ₹7.40 – 13.55 ലക്ഷം | മൈലേജ്, CNG ഓപ്ഷൻ | Petrol / CNG |
| Tata Nexon | ₹7.40 – 14.50 ലക്ഷം | സുരക്ഷ, പവർട്രെയിൻ ഓപ്ഷനുകൾ | Petrol / Diesel / CNG |
| Mahindra XUV 3XO | ₹7.79 – 15.04 ലക്ഷം | പ്രകടനം, ഫീച്ചറുകൾ | Petrol / Diesel |
| Hyundai Venue | ₹7.90 – 15.30 ലക്ഷം | ഫീച്ചറുകൾ, നഗര ഉപയോഗം | Petrol / Diesel |
| Kia Sonet | ₹7.41 – 14.47 ലക്ഷം | പ്രീമിയം ഫീച്ചറുകൾ | Petrol / Diesel |
വിലകൾ ഏകദേശ Ex-showroom വിലകളാണ്. വേരിയന്റും സ്ഥലവും അനുസരിച്ച് വിലയിൽ മാറ്റം വരാം.
ഏത് SUV തിരഞ്ഞെടുക്കണം?
അഞ്ച് SUVകളും ഒരേ വിഭാഗത്തിൽ മത്സരിക്കുന്നുണ്ടെങ്കിലും ഓരോന്നിനും വ്യത്യസ്തമായ സ്വഭാവമാണുള്ളത്.
കുറഞ്ഞ running cost : Maruti Suzuki Brezza
പവർട്രെയിൻ തിരഞ്ഞെടുപ്പുകൾ : Tata Nexon
പെർഫോമൻസിന് പ്രാധാന്യം : Mahindra XUV 3XO
നഗര ഉപയോഗവും ഫീച്ചറുകളും : Hyundai Venue
പ്രീമിയം ഫീച്ചറുകൾ : Kia Sonet
എന്നാൽ ഇത് ഒരു “മികച്ചത്” എന്ന റാങ്കിംഗ് അല്ല. നിങ്ങളുടെ ആവശ്യത്തിന് അനുയോജ്യമായ SUVയാണ് തിരഞ്ഞെടുക്കേണ്ടത്.
2026-ൽ ₹15 ലക്ഷം ബജറ്റിൽ SUV വാങ്ങാൻ നോക്കുന്നവർക്ക് Maruti Suzuki Brezza, Tata Nexon, Mahindra XUV 3XO, Hyundai Venue, Kia Sonet എന്നീ അഞ്ച് മോഡലുകളും പരിഗണിക്കാവുന്നതാണ്.
കാർ വാങ്ങുന്നതിന് മുമ്പ് on-road വില, മൈലേജ്, സുരക്ഷാ ഫീച്ചറുകൾ, മെയ്ന്റനൻസ് ചിലവ്, എൻജിൻ ഓപ്ഷനുകൾ, ഗിയർബോക്സ്, പിൻസീറ്റ് സ്പേസ് എന്നിവ പരിശോധിക്കുക. സാധ്യമെങ്കിൽ ഓരോ മോഡലിന്റെയും ടെസ്റ്റ് ഡ്രൈവ് എടുത്ത ശേഷം നിങ്ങളുടെ ഉപയോഗത്തിന് ഏറ്റവും അനുയോജ്യമായ വേരിയന്റ് തിരഞ്ഞെടുക്കുന്നതാണ് നല്ലത്.